(Materi ini khusus untuk membantu siswa dalam melaksanakan pembelajaran jarak jauh (PJJ) Mata Pelajaran Bahasa Sunda)
Baca dina jero hate!
Sakanyaho Mida, anu dagang surabi teh biasana pasusubuh. Anu dagangna oge awewe, jeung rata-rata geus kolot deuih. Ari dagangna nagog di sisi jalan. Anu mareulina ngariung, dariuk dina bangku panjang bari siduru hareupeun hawu. Kitu dina bayangan Mida ngeunaan tukang surabi teh.
Gambar: Sorabi Haneut
Anu matak basa Mida jeung Dami diajak ulin ka Bandung, kacida reuwasna asup ka tempat dagang surabi anu kawilang agreng. Anu dagangna oge barudak ngarora, awewe jeung lalaki marake baju parantes. Tempatna teu beda ti restoran, dariuk ngariung meja makan, ngaregreg motor jeung mobil anu parkir.
Ceuk Pa Upa eta bukti karancagean anu dagangna. Sakaligus jeli dina neangan luang usaha. Surabi teh kadaharan tradisional anu dipikeresep ku balarea. Dirobah cara ngadagangkeunana, carana jadi leuwih moderen, eta disebutna inovasi. Rancage, atawa kreatif jeung inovasi teh mangrupa hal anu kacida pentingna lamun urang hayang maju dina usaha.
Lain surabi bae kadahaharan tradisional anu geus makalangan di restoran-restoran moderen teh. Aya deui, diantarana tutug oncom. Kiripik sampeu oge diical online ngalangkungan internet.
Saenyana masih keneha loba kadaharan tradisional teh. Anu sok disebut kadaharan kampung tea. Ari geus dibawa ka dayeuh mah loba nu mikaresep. Ngadagangkeunna masih make cara-cara heubeul. Eta mangrupa luang usaha pikeun urang. Saratna nyaeta rancage jeung inovatif, daek mikiran jeung migawe hal-hal anyar anu positif.
Pek jawab ku hidep pananya dihandap sing bener!
- Iraha umumna anui sok dagang surabi teh? Jeung saha deuih anu dagangna?
_________________________________________________________________________
- Dina bayangan Mida kumaha cenah prak-prakanana anu dagang surabi teh?
_________________________________________________________________________
- Naon sababna Mida kaget ningali anu dagang surabi di Bandung?
_________________________________________________________________________
- Naha surabi make disebut kadaharan tradisional?
_________________________________________________________________________
- Salian ti surabi, naon bae kadaharan tyradisional anu geus dijual di restoran garede teh?
_________________________________________________________________________
- Cik tata, naon bae kadaharan tradisional Sunda teh?
_________________________________________________________________________
- Kumaha carana sangkan eta kadaharan tradisional teh bisa didagangkeun di restoran-restoran gede?
_________________________________________________________________________
- Lamun didagangkeunna ngaliwatan internet, disebutna sacara naon ngadagangkeunna?
_________________________________________________________________________
Silakan share artikel ini ke teman-teman kamu agar bisa bermanfaat.
Sumber: Modul Tema 6 Kelas VI (Dinas Pendidikan Kabupaten Bandung Barat)
